Rrjetëzimi
Mbështetësit kryesorë financiarë të DEV-AID-ve janë organizmat ndërkombëtare dhe kombëtare si: BfdW – Bukë për Botën, Gjermani; HEKS – Swiss Protestant Aid, Zvicër; Ambasada Amerikane në Tiranë, Shqipëri; Ministria e Mirëqenies Sociale dhe Rinisë, Shqipëri; Drejtoria Rajonale e Formimit Profesional Publik Nr.1 dhe Nr.4 Tiranë, Shqipëri; Dhoma e Tregtisë dhe Industrisë Tiranë, Shqipëri.
Rrjeti i Partnerëve Social i përbërë nga OJF, biznese, organizata të punëdhënësve, sindikata, struktura qeveritare, i inicuar dhe stabilizuar nga DEV-AID që në fillim të vitit të kaluar, është kthyer në pikën kryesore të referencës drejt integrimit të kursantëve përmes punësimit.
Janë mbajtur 6 tryeza të mëdha të rrumbullakëta dhe bashkëpunimi mes të gjithë anëtarëve ka dhënë një kontribut të madh dhe të matshëm në integrimin profesional dhe social të grupeve vulnerabël. Përveç ndërveprimit të përditshëm dhe përvojës së ndarë ndërmjet anëtarëve të rrjetit me synim një VT më të mirë të orientuar drejt tregut dhe një integrim më të mirë të grupeve vulnerabël në treg, anëtarët e rrjetit kanë treguar edhe vullnet të mirë social për të bashkuar forcat për të bashkëpunuar në aktivitete të ndryshme si; aktivitete informuese brenda grupeve të ndryshme; pjesëmarrje së bashku në fushata dhe jetë vullnetare; ndarjen e stafit me përvojë mes njëri-tjetrit për të ndihmuar më mirë grupin e synuar; etj.
DEV-AID gjithashtu vuri një fokus të fortë për të qenë pjesë e rrjeteve të tjera kombëtare dhe ndërkombëtare. Janë caktuar 7 mandate për pjesëmarrjen e DEV-AID si anëtar i asociuar në projektin e ardhshëm nën ERASMUS+ në vende të ndryshme të BE-së. Dy prej tyre janë aktualisht në vazhdim. Nëpërmjet këtij mandati, DEV-AID ishte pjesë e një vizite studimore të organizuar nga Ministria Polake e Ekonomisë dhe Punës në Varshavë, për eksplorimin e formave të ndryshme të mbështetjes së OJQ-ve dhe institucioneve publike që punojnë me të rinjtë, me synimin për të krijuar partneritet të ri për projektet e ardhshme, duke u fokusuar në shanset dhe mundësitë për dialog ndërkulturor, bashkëpunimin e ardhshëm tranzitor dhe aktivitete të bashkuara. Gjithashtu falë këtij bashkëpunimi të nisur në gjysmën e dytë të vitit 2014, DEV-AID është bërë organizatë partnere e rrjetit të EPTO Peer Forum, Belgjikë me qëllim të pjesëmarrjes në projektin “Kultivimi i kapaciteteve për trajnim cilësor të kolegëve”. Në thelb, roli i DEV-AID si partner është të rekrutojë pjesëmarrës në rrjetin e tij në Shqipëri për të qenë pjesë e trajnimeve mbi cilësinë mbi edukimin e kolegëve në vende të ndryshme të BE-së.